Pito ka pangalan ang papilian nga ihulip kang Calungsod sa MCPO

Dunay pito ka mga kandidatong mamahimong director sa Mandaue City Police Office ang papilian unya ni Police Regional Office-7 director Ronald Roderos kang Mayor Jonas Cortes.

Kini kung sa higayon i-formalized sa mayor ang iyang tinguhang pahulipan niini si Sr. Supt. Rodel Calungsod. Si Cortes ning bag-uhay lang mipadayag nga gusto niyang pahulipan si Calungsod gumikan sa kapakyas niini sa anti-criminality campaign.

Di palang dugay si Calungsod mirason sa gihimong Regional Peace and Order Council meeting nga gipanguluhan ni Go. Gwendolyn Garcia nga usa sa rason sa pagsaka sa krimen sa Mandaue City mao ang kakulang sa mga sakyanan sa mga polis.

Rason nga gipanghimakak ni Cortes gumikan kay dunay gitaganang sakyanan ang dakbayan alang sa pagmentinar sa kahapsay ug kalinaw sa ilang dakbayan apan napakyas gihapon si Calungsod.

Matud pang Roderos si Calungsod nananghid kaniya nga kini mo-leae una kung duna nay pormal nga suwat si Cortes ngadto kang Roderos nga siya pahulipan na sa pwesto.

“He (Calungsod) will go on leae if and when there is a letter from mayor Cortes,” matud pang Roderos kinsa midugang nga dunay pito ka mga Senior Superintendents nga bakante ug mamahimong makagunit sa pwesto sa pagka-city police director.

Apan niingon siya nga lima lang niini ang iyang ipadala ngadto sa Senior Officer Placement Board ug sa mayor.

Usa sa gipanglantawang posibleng mohulip kang Calungsod mao si Sr. Supt. Louie Oppus ang kasamtangang deputy director for Operations and Plans Diision sa PRO-7.

Matud pa ni Sr. Supt. icente Loot ang Deputy Director for Human Resources and Deelopment sa PRO 7 nga nahinabi sa Banat News apil sa pito ka ngalan nga ilang isumiter kang Cortes mao si Oppus.

 Si Oppus sa iyang bahin mipadayag nga bag-o pa lamang siya sa iyang posisyon sa PRO7 ug dako ang iyang responsibilidad sa maong katungdanan.

Wala hinuon siya mokomentaryo kabahin pag-apil sa iyang pangalan apan siya mipadayag nga isip sundalo mosunod lang siya sa kamandoan sa iyang mga labaw.

 Gawas ni Oppus irekomendar usab sila si Loot; Sr. Supt. Alexander Abadinas, Sr. Supt. Leodegario Acebedo, Sr. Supt. Melin Buenafe, Sr. Supt. Teodoro Caranza, Sr. Supt. Jesus Gaking, Sr. Supt. Edgardo Ingking ug Sr.Supt. Carmelo almoria ang CPPO Director.