Estambay sa Bulacao giulo og pusil, tipi

Usa ka 27-anyos nga estambay ang gipusil-patay sa duha ka wala mailhing mamumuno mga alas 2:45   kagahapon sa kaadlawon diha sa South Road corner Fatima St., barangay Bulacao ning dakbayan.

Patay na si Christian Paul Villegas nga taga sitio Right Side sa barangay Inayawan dihang nakaplagan nga adunay samad pinusilan sa tuong bahin sa aping, ingon man walang kamot.

Sa report nila ni SPO2 Rey Cuyos sa Homicide Section sa Cebu City Police Office usa ka guwardiya sa usa mga dakong tindahan sa maong lugar nga si Danie Villacera sakop sa Saint Jude Security Agency maoy nakakita sa biktima.

Matud pa niini ngadto sa mga imbestigador nga duha ka mga sipang buto maoy iyang nadungog niadtong higayuna samtang siya nag- roving sa   tindahan.

Duha ka gituohang mamumuno ang dali kaayong nakasibat palayo sa nahisgutang lugar agi sa may Villa Bulsita St..

Wa pa matino sa kapulisan kun unsay motibo sa pagpusil patay sa biktima.