Mokabat sa P500 mil nga kantidad ang ihatag nga gahin ni 6th District Representative Nerissa Soon-Ruiz alang sa kalamboan sa kahimtang sa tunghaan sa Consolacion Central School nga nahimutang sa barangay Poblacion Oriental.
Si Soon-Ruiz nga mitambong sa general assembly sa meeting sa mga sakop sa Parents Teacher Community Association (PTCA) ang mipahibalo atol sa iyang pagpamulong sa maong panagtigom.
Ang mga ginikanan ug mga magtutudlo sa maong tunghaan nga nasayod sa maong tinguha sa kongresista ang gabati og kahinangop sanglit dili ikalimod nga ang ilang tunghaan ang nagkinahanglan gayod og dugang ayuda alang sa pagpalambo sa kahimtang sa pagtuon sa mga tinun-an.
Nunot sa maong pamahayag sa kongresista ang lokal nga kagamhanan sa maong lungsod ang mipadayag usab sa pagahatag og dugang pang ayuda alang sa ilang mga pagpanginahanglan og dugang pang kahimanan.
Naglakip sa maong ayuda sa lokal nga kagamhanan maoy gigamit ang gahin nga gikuha gikan usab sa pundong salapi sa Special Education Fund (SEF) nga maoy gigamit sa uban pang panginahanglan sa tunghaan.
Naglakip na sa gamitan sa maong kantidad mao ang pagkuha sa suholan sa mga magtutudlo sa maong tunghaan nga lokal nga gi-hire alang sa pagdugang sa gidaghanon sa mga magtutudlo sa tunghaan.