Chopchop padayon gihisgutan

Bisan og nadakpan ug nakasuhan ug natanggong na sa Talisay City Jail ang tulo ka suspetsadong mitagodtagod sa duha ka babaye wala pa gihapon mahilom ang mga residente sa siyudad sa paghisgot sa maong krimen.

Hangtud karon kasagaran sa residente sa Talisay   naglagot ngadto sa mga suspetsado ug gani bisan anha sa merkado, mga kan-anan ug bisan sa city hall sa siyudad ang kabahin sa krimen mao gihapon ang gihisgutan.

Diha sa paradahan sa traysikol sa Tabunok ang mga magtapok nga mga drayber mabati nga ang kabahin gihapon sa krimen ang gihisgutan.

Mabantayan nga daghan ang interesado nga mosunod sa nahisgutang kaso dili lang mga Talisaynon.

Si Kapitan Celiapo Cabuenas sa barangay Lagtang sa pakighinabi niini sa Banat News kagahapon nagkanayon nga bisan sa dakbayan sa Sugbo walay laing gihisgutan ang kabahin sa duha ka babayeng gitagodtagod.

Matud sa kapitan nga base sa reaksyon sa publiko gusto gyud nila nga masilotan   ang mga suspetsado ug gipanghinaot niining unya sa paghukom matagbaw na ang publiko.

Kahinumduman nga sila si Joseph Roy Cellar ug Richard Gudelosao ang suspetsadong mipatay ug mitagodtagod nila ni Maria Eva Mae Peligro ug sa ig-agaw niining si Gwendolyn Balasta.

 

Show comments