Fetus napunitan

Walo pa ka bulan nga lalaking fetus ang napunitan diha sa gamay'ng agianan  sa City Center Public Market sa barangay Kamagayan sa miaging gabii diha sa barangay Kamagayan, dakbayan sa Sugbu.

Naalarma ang mga opisyales sa maong barangay human makadawat og report nga dunay fetus nga gisulod sa karton nga napalgan diha sa maong dapit maong sila si Kagawad Marife Maristila misusi sa dapit.

Dangtan pila ka minutos usa ka Rey Pailado ang miabot ug giangkon nga siya maoy mibutang sa maong fetus diha sa dapit samtang siya mihikay pa sa pagpalubong niini.

Matud pang Pailado sa Cebu City Medical Center gipanganak ang maong fetus apan patay na kini ug inahan niini nga si Cherryl Cabarubias naa pa gihapon sa maong tambalanan.

Gikatahong ang inahan mihangyo kaniyang hipuson ang anak ug ipalubong apan ang kapolisan nagkanayon nga mohimo sila og imbestigasyon kung wala ba kini gituyo og pataktak.

Kahinumduman nga niadtong milabay'ng bulan sa Disyembre sa milabay'ng tuig mipagawas og pastoral letter si Cebu Archbishop Cardinal Vidal sa katawhan nga respetuhon ang kinabuhi ilabi na sa mga wala pa gipakatawo.

Kini human higayon sa maong bulan nga siyam ka fetus ang nangapalgan ug pulos gituohang gituyo og patay sa mga inahan tungod sa wala matinong rason.