Buwang sa manok maoy gigamit sa usa ka lalaki pagdunggab sa tiyan ug bukobuko sa usa ka construction worker niadtong alas 8:30 sa gabii diha sa Sitio Kasagingan, Banawa, Guadalupe ning dakbayan.
Ang nalandig sa Vicente Sotto Memorial Medical Center giila sa kapulisan nga si Delfin Gabutan, 28, samtang ang midunggab mao ang silingan nga si Darwin Caballes.
Ang biktima miasoy sa mga imbestigador sa Homicide Section sa CCPO nga naglakaw siya sa dalan duol sa usa ka videoke sa nahisgutang lugar.
Sa kalit lang gisita siya sa akusadong si Caballes ug giingnan nga “Sige ka agi-agi pasingit ka bay?” dayong dunggab kaniya sa iyang tiyan ug buko-buko ginamit ang buwang.
Human sa pagpanunggab nisibat ang suspetsado samtang ang biktima gidali sa pagdala sa tambalanan