Halawom nga imbestigasyon gitinguha ni Mar

Gitinguha ni Sen. Mar Roxas ang pagpahigayon og halawom nga imbestigasyon sa Senado sa nahitabong pagkalunod sa   MV Princess of the Stars nga gipanag-iya sa Sulpicio Lines nga maoy nakaingon sa pagkawagtang sa gatusan ka mga pasahero ug pagkadiskubre usab sa makahilong kemikal ug ang kakuwang sa insurance coverage niini.

Nunot niining mao niyang tinguha iyang giduso ang Senate Resolution No. 480 nga gitumong alang sa pagtuki sa kasamtangang balaod alang sa paghigpit sa maritime safety standards sama usab paghigpit nga gipatuman sa pagpanakay sa kahanginan.

“Ang pagpapahintulot sa isang pampasaherong maglayag na may dalang tone-toneladang nakakalasong kemikal, maraming aksidente sa karagatan na nakadikit sa pangalan ng kompaniya at walang sapat na insurance para sa maaaring maging pinsala sa kalikasan at komunidad ay pagpapakita ng palpak na pamamahala,” nagkanayon si Roxas.

Matud pa niya nga   nabahig ang nasud sa nagkadaiyang mga isla nga nagkinahanglan pa nga mosakay og sakyanan sa kadagatan alang sa   pag-adto sa laing lugar.

Si Roxas miingon nga labing gikinahanglan unta nga mahimong sumbanan ang nasud sa paghatag og kasiguroan sa pagsakay sa kadagatan ug dili matala sa Guinness Records sa world’s biggest sea tragedies.

“Let’s look at the latest Sulpicio tragedy not as an isolated case, but as a manifestation of appealingly  weak corporate and public governance,” dugang pa ni Roxas.