...Akrho motabang sa dinakpan para abogado

Hatagan gihapon sa suporta nila ni Atty. Clarence Paul Oaminal ang usa nila ka miyembro sa Alpha Kappa Rho si Reynaldo Bustaleño “alyas” Brandon Ramirez kinsa usa sa mga gipasanginlang kauban ni Aristotle Aves nga namusil patay niadtong miaging tuig sa hapon nga si Taro Suda.

Si Bustaleño naa na karon sa poder sa Criminal Investigation and Intelligence Group (CIDG-7) human siya naabot kagahapon sa buntag sa dihang misurender sa mga sakop sa CIDG sa Dipolog City.

Si Oaminal nagkanayon nga hatagan nila’g suporta si Bustaleño isip ilang igsuon sa fraternity bisan tuod kun dili na kini aktibo sa organisasyon hinungdan ila kining tukion sa ilang tigum sa regional level.

Giangkon niini nga siya maoy abogado ni Bustaleño sa kasong frustrated murder batok sa laing fraternity niini niadtong 2005 apan ang maong kaso gi-dismiss na ni Judge Generosa Labra sa branch 23 sa Regional Trial Court, samtang siya usab ang abogado sa kasong illegal possession of firearm.

Apan iyang giklaro nga walay dakong epekto sa kaso batok ni Aves ang pagpatim-aw karon ni Bustaleño tungod kay bisan unsay ipanulti niini ang prosecution maoy mopalig-on sa kaso hinungdan nga magdepende na lang unya kini sa mga ebidensyang mapresentar ngadto sa korte.