Usa ang patay human gipamusil sa wala pa mailhing mga tawo ang mga batan-on nga nag-estambay daplin sa karsada didto sa Sitio Catadman, barangay Sabad, siyudad sa Danao kagahapon sa 1:15 sa kaadlawon.
Ang biktima giila sa kapolisan nga si Jhonefir Tejada del Preda, 18, ulitawo, molupyo sa nahisgutang lugar.
Subay sa imbestigasyon sa kapolisan si del Preda kauban sa laing mga batan-on ang nag-estambay kini sa usa ka lingkoranan daplin sa karsada sa maong lugar.
Apan kalit lang miabot ang usa ka de pasaheroan nga traysikol ug mihunong sa tungod og mideretso sa pagpamusil ang sakay niini.
Bugtong ang biktima lang nga si del Preda ang naigo sa tuo niining nawong nga milapos sa luyong bahin sa iyang ulo.
Gidali unta pagdala sa Danao City District Hospital ang biktima apan namatay gyud kini paglabay sa pipila ka mga oras.
Subay sa inisyal nga pakisusi sa kapolisan gikan sa mga nakasaksi sa hitabo ang mamumuno naglingkod sa atubangan sa traysikol ug pagkahuman sa hitabo nagpahatod kini sa direksyon paingon sa lungsod sa Compostela.