Hepe sa traffic division sa dakbayan sa Talisay, Police Senior Inspector Arceliano Bañares ang mihimakak sa pasangil nga midawat siya og P500 nga bayad sa usa ka motorista aron ma-release ang motorsiklo niini.
Si Bañares sa pakighinabi niini sa Banat News namalibad nga nakadawat siya og P500 gikan kang Jonald Paerez aron ma-release ang motorsiklo niini.
Matud sa hepe sa trapiko nga ang misikop kang Paerez sila si PO1 Erwin Denila ug Estevenson Silva, traffic enforcer apan wala gani siya makakita sa motorsiklo ni Paerez nga gidala sa ilang buhatan diha sa barangay Tabunok.
Kahinumduman nga sa milabay'ng semana si Paerez, 21-anyos taga barangay Cansojong ang mipa-blotter diha sa kapolisan sa barangay Poblacion ug mipasangil kang Denila nga miwagtang sa iyang student permit ug giingong nitunol kini og P500 ngadto kang Bañares aron ma-release ang iyang motorsiklo.
Kahinumduman usab nga si Denila mihimakak sa pasangil.