Lahugay sa CPPO gilusad

Nagbinayloay og mga opisyal ang Cebu Provincial Police Office (CPPO) ug Bohol Provincial Police Office (BPPO) niini lang katapusan sa bulan sa Marso sa milabay'ng bulan.

Samtang upat usab ka mga opisyal ang gihatag usab sa CPPO gikan sa Police Regional Office-7

Mao kini ang gipahibalo  ni Supt.  Erson Digal, deputy director for operation sa CPPO kagahapon.

Ang gikan sa CPPO nga gilabay ngadto sa BPPO mao sila si Chief Insp. Virgilio Apurado, Chief Insp. Samuel Bercede kanhi nadistino didto sa barangay Campoot Tuburan, Chief Insp. Antonieto Cuyos kanhi hepe sa San Fernando Police Station ug Sr. Insp Christian Garcia kanhi hepe sa Dalaguete Police Station samtang gibaylo sa maong mga opisyal mao sila si Supt. Eduardo Saavedra ug Sr. Insp. Ruben Cuizon.

Upat usab ka mga opisyal nga gikan sa PRO-7 ang gidistino karun sa CPPO,  tulo niini pulos nagranggo Inspectors nga sila si Rogelio Amoroso Jr., Maria Theresa Macatangay ug Gerald Ace Pelare ug Chief Insp. Elma Delos Santos gikan sa FESSAGS-7.

Ang paghiabot sa unom ka mga opisyal   himuong hepe sa pipila ka police station sa kalungsoran nga gidumala lang sa nagranggo og SPO3 ngadto sa SPO4 isip Officer in Charge (OIC).

Giklaro ni Digal ang paglabay sa upat ka mga opisyal didto sa Bohol pagbuot kini sa PRO-7 alang sa ilang career advancement.