P100 mil gihatag sa napatay nga polis

Ang hinabang nga salapi sa kagamhanan sa dakbayan sa Mandaue ngadto sa pamilya sa gipatay nga polis nga si anhing SPO1 Pedro Sucion ang hingpit na nga nadawat kagahapon.

Si Mayor Jonas Cortes ang   mitunol sa tseke nga nagkantidad og P100,000 ngadto kang Charlyn Sucion, ang biyuda ni anhing SPO1 Sucion nga napusilan patay atol sa pagtubag og alarma nga pagpanulis sa reclamation area.

Ang tseke   gitunol ni Mayor Cortes ngadto kang Senior Superintendent Rodel Calungsod, direktor sa Mandaue City Police Office (MCP) atol sa turn over ceremony kagahapon sa  buntag.

Si Konsehal Emiliano Rosal, chairman sa committee on budget and appropriation sa konseho sa maong dakbayan nga nahinabi sa Banat News ang mipadayag nga adunay ang tukmang proseso ang  pagpagawas og salapi sa kagamhanan.