Posibleng adunay kalambigitan sa illegal nga drugas ang pagpusil sa usa ka giingong sakop sa Philippine Drug Enforcement Agency (PDEA) ug usa ka barangay tanod sa Sitio Sudtungan barangay Basak dakbayan sa Lapulapu sa milabay'ng hapon.
Ang biktima mao si Charlon Limpangog Bagiuo, 33 ug residente sa maong dapit nga gikaingong asset sa PDEA,
Matud pa ni SPO1 William Homoc sa Homicide section nga sa pasiunang imbestigasyon ni SPO1 Frederick Eslit nasayran nga samtang nagbarogbarog si Bagiuo sa maong dapit duha ka mga lalaki nga luwan sa usa ka motor miduol ug mipusil ni Bagiuo gamit ang usa ka kalibre 9mm dayong pahilayo sa maong dapit.
Samtang sa dihang ang tanod nga si Maximiano Bensi kinsa diha ra sa duol ug miresponde gipusil usab apan wala kini maigo.
Si Bagiuo nga samaran sa iyang walang bukton gidali pagdala sa Mactan Doctors hospital sa dakbayan sa Lapulapu ug luwas na kini sa makuyaw nga kahimtang.
Pito ka mga basiyo sa kalibre 9mm ang nakuha diha sa crime scene.