Pagpanghulga ang gihimo sa Kapitolyo subay sa bahad niini ngadto sa negosyanteng si Robert Yopangco nga interesado pagpalambo sa Cebu City Zoo.
Kini maoy tubag ni Mayor Tomas Osmeña sa pasidaan sa mga opisyal sa Kapitolyo nga ilang ikiha si Yopangco kun mopadayon sa lakang niini.
Ang nahisgutang negosyante nga nanag-iya usab og Zoo didto sa kauluhan, maoy gisabot sa mayor nga padumalahon sa Cebu City Zoo. “That’s purely intimidation because for example using that model, if I will hire a security guard to guard that property, can they sue the security guard?” nakapangutana ang mayor.
“Supposing I hire a gardener to plant a tree there, can they sue the gardener? He is just a gardener,” dugang pasabot ni Osmeña.
Gitataw sa mayor nga ang bugtong papel ni Yopangco mao lang ang pagpagamit sa mga hayop niini diha sa zoo ingon man sa pagmintinar.
“The important contribution of Robert Yopangco is the animals and the maintenance of the animals, we don’t know how to get the animals, maintain and how to manage it,” niingon si Osmeña.
Nagdumili hinuon ang mayor pagbutyag kun interesado pa ba gihapon si Yopangco sa Zoo, karon nga duna nay bahad ang Kapitolyo.