Mga habal-habal sa Mingla’ gisikop

Mikabat sa 10 ka mga drayber sa habal-habal ang nasikop sa mga kapolisan sa Minglanilla niadtong Biyernes nunot ning ilang gilusad karong kampanya paghawan sa palibot sa merkado gikan sa maong mga sakyanan.

Matud pa ni PO3 Neil Mansueto sa Minglanilla Police Station nga kutob sa mosulod nga habal-habal sa merkado ila dayong sikupon kay may ordinansa na ang lungsod bahin niini.

Matag kalapasan multahan ang drayber og tag P200 ug maoy hinungdan nga misamot karon ang kasuko sa maong mga drayber ngadto sa kapolisan.

Ang unang nasuk-an sa   mga drayber  sa traysikol mao ang pagpabalhin sa ilang parkinganan matud pa ni Mansueto.

Matud pa ni Mansueto nga usa sa lugar nga labing gibantayan nila matag gabii mao ang Springwoods Village diin naa ang mga kuwartahang mga estudyante magpuyo ug mingaw usab kaayo ang  maong lugar ilabi na sa kagabhion.

Ang  rumbo karon  sa mga tulisang magsakay og motorsiklo mao ang mga estudyante ilabi na kun makita nila kining magdala og cellphone, kay dili mosukol ug ihatag lang dayon ang mga butang.