Tinuod nga nailhan

Nagdala sa pangalan nga Gerry Ocba Trangia ang napusilan patay nga dispatser sa dalan M.C. Briones sa Highway, Guizo, dakbayan sa  Mandaue niadtong miaging gabii.

Kini ang nahibaw-an sa Banat News kang PO3 Herbert Pelayo sa pagkurihir sa pangalan nga Gerame Guba  base sa nakuha nga Temporary Operators Permit (T.O.P.) gikan sa bulsa niini.

Matud pa ni Pelayo nga nangayo karon sila og panabang sa buhatan sa land Transportation Office (LTO) sa pagsuta sa dugang  mga detalye sa pagkatawo niini.

Si PO3 Pelayo miingon nga dugang nilang gisusi mao ang paghupot og T.O.P. sa biktima nga dili man kini maoy tag-iya base sa ilang mga pakisusi nga gihimo.

Kahinumdoman nga  nanawag og mga pasahero ang biktima sa pagpasakay sa PUJ dihang duha ka wala hiilhing mga lalaki ang kalit lang namusil nga maoy nakaingon sa kamatayon niini.