Duha ka tawo ang nangaangol human mosaliring ang ilang motorsiklo diha sa center island sa South Road Properties kagahapon sa hapon.
Ang mga biktima giilang sila si Rogelio Almeria,43, ug Maricel Cabras, 37, pulos mga taga sitio Tugas, San Roque sa barangay Mambaling.
Ang duha gikatahong gikan pa sa Talisay sakay sa motorsiklong gimaneho ni Almeria apan samtang nagdagan giingong nasangit sa center island ang foot step sa motor hinungdan nga nalamba kini.
Ang photographer ning pamantalaan nga si Paul Jun Rosaroso nga nakaagi sa dapit maoy nakatawag sa Emergency Rescue Unit Foundation ug daling nadala sa Cebu City Medical Center ang mga biktima.