Mike Rama makigkita sa PNP ug PSG
Makigtagbo si acting Mayor Michael Rama sa tanang station commander sa kapolisan sa dakbayan ugmang adlawa.
Lakip sa gipatawag ni Rama mao ang labaw sa Parish Security Group ug ang mga sakop sa Police Coordinating and Advisory Council (PCAC).
Kini aron hisgutan ang mga pagpangandam sa kahusay ug kalinaw sa dakbayan alang sa pagsugat ug pagsaulog sa bag-ong tuig.
Ang acting mayor nga mao usab ang chairman sa PCAC miingon nga buot lang niyang ipahinumdum sa kapulisan ug sa mga sakop sa PCAC ang pagkamabinantayon.
Gusto usab ni Rama nga masilsil sa alimpatakan sa kapulisan ang pagsunod sa iyang kamanduan samtang siya pa ang kasamtangang amahan sa dakbayan.
“Akong i-emphasize nga there is only one police station in the city, a crime committed anywhere is a crime against the PNP in
Ang buot ipasabot ni Rama nga mutubag sa bisan unsang matang sa alarma ang kapulisan sa dakbayan kung kini makadawat og reklamo.
Kini sa walay paghuna-huna nga dili ubos sa ilang area of responsibility (AOR) ang dapit nga ilang respondihan.
Una nang mibahad si Rama ngadto sa kapulisan sa siyudad nga iyang silotan kun dili motuman sa iyang kamanduan.
Gawas niini wala na hinuoy laing ipahinumdom ang acting mayor ngadto sa kapulisan atol sa ilang tigom ugmang adlawa.
Si Rama natagbaw sa performance sa kapolisan sa dakbayan pagmintinar sa kahusay ug kalinaw sa siyudad sa pagsugat ug kasaulugan sa Pasko.
“They’re doing pretty well, because there never been any major displacement and counting of dead bodies because of peace and order,” nagkanayon ang acting mayor.
Ang gusto ni Rama nga mutuhop sa huna-huna sa mga polis ang ilang “battlecry” nga mao ang pagserbisyo ug pagprotiher sa katawhan
- Latest
- Trending
