Mokabat sa P260, 000 ang gibanabanang danyos sa nahitabong pito ka minutos nga sunog sa dalan Catalino Ouano Avenue sa barangay Looc, dakbayan sa Mandaue alas 11:28 ang takna sa miaging Domiingo sa gabii.
Si FO2 Cefriano Codilla, imbestigador sa Mandaue City Bureau of Fire Protection (BFP) nga gihinabi sa Banat News miingon nga nagsugod ang kalayo sa Ardian Bakery ug mitapon kini ngadto sa usa ka karenderiya, duha ka sari-sari store, tulo ka KTV bar ug usa ka tire recapping shop sa maong dapit.
Si FO2 Codilla miingon nga si Mandaue City Fire Marshall Oscar Mayol kinsa maoy nangulo sa pagpawong sa kalayo ang mipaubos sa maong sunog sa 3rd alarm nga maoy hinungdan sa pagtabang usab sa uban pang kabomberohan.
Matud pa ni F02 Codilla nga ang kalayo ilang nasuta nga nagsugod sa quarter sa Ardian Bakeshop ug mitapon kini sa uban nga mga establisamento nga maoy hinungdan sa pagkaangol niini.