Publiko angayang magdaginot pa – Jakosalem
Nidason si Cebu City Councilor Jack Jakosalem sa giluwatang pamahayag sa Malacañang nga lisod nang mapugngan ang padayong pagsaka sa presyo sa lana.
Ang konsehal nagkanayon kini nga gumikan usab sa padayong pagsaka sa presyo sa krudo sa world market.
Nagtuo hinoon si Jakosalem nga padayong nangita og pamaagi ang nasudnong kagamhanan aron maminusan ang impact sa fuel price increase.
Apan ang konsehal nga maoy Chairman sa Committee on Energy, Transportation, Communication and other Utilities sa City Council nabalaka nga duna gyu’y mamahimong epekto ang pagsige og saka sa presyo sa lana ngadto sa inadlaw-adlaw nga panginahanglan sa katawhan.
Kini tungod kay ang mga makina sa pabrika, sakyanan, lakip na sa makina pagmugna og enerhiya alang sa elektrisidad nigamit og mga produktong petroleum.
Bugtong konswelo sa nasud mao ang paglig-on sa balor sa peso o ang paghuyang sa balor sa dolyar.
Pipila ka mga ekonomista nagtuo nga kung nagpabilin pang 56 pesos ang balor sa
Subay niini nanawagan si Jakosalem sa mga Sugbuanon nga magpakabana samtang ang gobiyerno nangita og alternatibong mga programa sa enerhiya.
Kini dili lang sa yanong pagdaginot kon dili pinaagi sa dobleng pagdaginot sa enerhiya ilabina diha mismo sa tagsa-tagsa ka panimay.
“Ang akong matambag ani gyud to really conserve further, kahibawo na man ta nga ang publiko nagdaginot na sa enerhiya but we really need to do more now,” suma sa konsehal.
Sa nasayran, duna nay balaod nga naaprobahan ang kongreso alang sa pagdaginot sa enerhiya nga mao ang “Biofuels Law”.
Nag-ong-ong na usab karon sa kongreso ang proposed renewable energy bills nga gituohang dako og matabang sa dugang pagdaginot sa enerhiya.
- Latest
- Trending
