Usa ka tawo nabiktima sa pagpamusil ug pagpanigbas ang nalandig sa tambalanan bisperas sa adlaw sa eleksiyon, didto sa Barangay Cansojong ug Candulawan, dakbayan sa Talisay.
Ang nabiktima sa pagpamusil giila sa mga polis sa siyudad nga si Eddie Nazareno, 45-anyos, minyo, drayber sa PUJ nga dunay rotang Talisay-Cebu City.
Si Nazareno kinsa nakaangkon og usa ka samad pinusilan sa iyang bukton daling gidala sa Talisay District Hospital apan gibalhin kini sa Vicente Sotto Memorial Medical Center niining dakbayan.
Base sa imbestigasyon sa kapolisan sa siyudad nga si Nazareno nagbiyahe sa iyang jeep pasaheroan pasado alas 8:00 sa gabii gikan sa Sitio Calachuchi, barangay Cansojong paingon sa dakbayan sa Sugbu dihang usa ka wala mailhing lalaki ang kalit lang mitabok sa karsada hinungdan nga gibosinahan kini sa biktima.
Apan gikataho nga ang maong lalaki nasuko sa pagbosina ni Nazareno hinungdan nga mihulbot kini og pusil ug dayon pusil ngadto sa biktima.
Human sa maong insidente ang nahisgotang lalaki daling mibiya sa lugar.