LTO-7 sugod na sa Oplan Kalagkalag

Gibutyag ni Land Transportation Office (LTO-7) Regional Director Alex Leyson nga ila nang gipatuman sugod kagahapong adlawa ang Oplan Kalag-Kalag.

Si   Leyson miklaro nga gipakatap na nila sugod kagahapong adlawa ang task alpha sa tanang mga terminal dinhi sa rehiyon inabagan sa kapolisan.

Matud pa niini nga ang task force alpha mohingusog gyud nga sa pagsugod palang sa intrada sa Adlaw sa Kalag-Kalag di gyud nila tugtan kadtong mga bus depasaheroan nga mo-overloading sa ilang pasahero.

Iyang gipasabot sa sayong pagpangandam malikay usab ang mga pasahero sa disgrasya nga mopauli ngadto sa nagkadaiyang lungsud kini aron sa ilang pagduaw o pagpanagkot sa mga sam-ang diin didto ang ilang mga mahal sa kinabuhi.

Sumala pa niini nga dili sila gusto nga sa panahon sa Kalag-Kalag kun aduna man ganiy mga insidenti o kaha sa pagka-disgrasya sa kadalanan basulon ang ilang buhatan.

Sa nasayran nga ang publiko sagad nang mabiktima sa mga driver ug kunduktor sa pagpangilad sa pagpangayog dugang plitihan ingon man mopasakay lang gihapon og pasahero bisan kun manubra na sa kapasidad sa sakyanan.