Dul-an sa 30 ka mga pulis sa dakbayan sa Sugbu ang hatagan og pasidungog sa Konseho sa siyudad tungod usab sa ilang malampusong pagsikop kang Paulo Calunsag ug Marissa Tripoli, atol sa pagronda sa kapulisan sa panimay niini diha sa Banawa, Guadalupe.
Si Calunsag nga giila sa kapulisan nga level one drug pusher nasakmitan og dul-an sa dos milyones pesos nga kantidad sa shabu.
Gawas niini, mokapin usab sa usa ka milyon ka pesos nga salaping cash ang nakuha sa kapulisan gikan sa panimay ni Calunsag, nga gituuhang halin sa ginadiling drugas.
Kusganon hinuong gihimakak sa suspetsado ang pasangil sa mga pulis lakip na ang nakuhang binulto nga shabu.
Apan bisan pa niini, gipasakaan gyod sa kapulisan og tukmang kaso ang mga suspetsado ngadto sa korte.
Ang mga pulis nga pasidunggan sa City Council, gipanguluhan nila ni CCPO deputy director Superintendent Paul Labra II ug CIIB Chief Senior Inspector George Ylanan.
Lakip sa mga pulis nga makadawat og pasidungog sa konseho, mao sila si P/Sinsp. Aileen Recla, P/Sinsp. Michael Anthony Bastes, SPO1 Felomino Mendaros, PO3 Cesar Pandong, PO1 Albert Luardo, PO2 Jonas Tajanlangit, PO2 Benigno Andrew Ilagan, PO2 Joel Cunan, PO2 Hilario Coderos, PO3 Leopoldo Bauzon, PO3 Fe Altubar, PO2 Jerybel Lerio, PO2 Joel Taboada, PO1 Frederick Ybañez, PO1 Roy Carlo Veloso, PO1 Milberto Yosores, PO1 Noriel Luage, PO1 Esmeraldo Quillosa, PO1 Ruben Quita, PO1 Philip Plasus, PO2 Regalado dela Victoria, PO3 Felix Gabijan, SPO2 Porferio Gabuya Jr., SPO2 Renante Nioda, PO3 Marcelo Lerio, PO3 Danilo Rosales ug PO1 Conrado Alega.
Ang chairman sa Committee on Public Order and Safety sa City Council nga si konsehal Augustus Pe Jr., maoy nipalabang og resulusyon paghatag og pasidungog sa maong mga pulis.
Tumong sa konsehal niini nga madasig pa ang maong mga pulis ug mahimong panag-ingnan usab sa uban pagtuman sa ilang katungdanan.
Ang lakang sa konseho gikalipay og dako ni Sr. Supt. Patrocinio Comendador ug mitug-an nga buot sad niyang kahatagan og pasidungog sa Police Regional Office ang maong mga polis.