Mga election officer ug magtutudlo andam na

Andam na ang mga lawak saringan sa mga pampublikong tunghaan sa kalungsoran ug dakbayan sa probinsiya sa Sugbu nga maoy gamiton atol sa adlaw sa barangay ug SK election karong petsa 29 niining buwana.

Gibutyag ni Division Schools Superintendent sa probinsiya sa Sugbu Recarido Borgonia nga natuki na kining maong panginahanglanon atol sa  milabay'ng panagtagbo tali sa mga magtutudlo ug election officer sa kalungsoran.

Matud ni Borgonia nga ang mga magtutudlo nga mo-serbisyo atol sa adlaw sa pinili-ay hangtud na sa canvassing andam na usab.

Hinoon giklaro niya nga dili tanan nga mga magtutudlo nga nakaserbisyo sa milabay'ng  eleksiyon sa May 14 ang makaserbisyo tungod kay gamay ra ang mga kandidato karon kun itandi sa national nga eleksiyon.

Namatikdan nga naghuot ang lain laing mga buhatan sa Comelec sa siyudad ug lungsod atol sa deadline sa Filing sa Certificate of Candidacy (COC) nga gitapos kaganinang alas 12:00 sa tungang gabii.