Curfew sa Consolacion ipatuman sa konseho

Higpit nga gidili alang sa mga menor de edad sa lungsod sa Consolacion ang pagsuroy nga halawom na ang kagabhion kon hingpit na usab nga pagpatuman sa ordinansa alang sa Curfew hour.

Ang pagpalabang sa maong ordinansa  gitumong alang sa mga batan-on nga kalikayan ang paglambigit sa mga batan-on nga naglambigit ang fraternity ug uban pa.

Si Konsehal Isidro Arnulfo Abinales maoy nagpalabang sa maong ordinansa nga gituki sa miaging  regular session nga ilang gipahigayon ug gikatakda na pagpahigayon og public hearing sa sunod semana.

Naglakip sa maong maong ordinansa mao ang higpit nga pagdili sa mga menor de edad sa pagsulod sa mga karaoke bars, videokehan ug ang pagtapok sa gawas sa panimalay sa panahon nga halawom na ang kagabhion.

Hinuon ang mga menor de edad nga mogawas bisan halawom na ang kagabhion ang dili dakpon kun aduna kini tukmang katuyoan nga may pagtugot sa ginikanan sa paggawas sa ilang panimalay.

Gihimo ni Abinales ang pagpalabang sa maong ordinansa alang sa pagpakgang sa kalambigitan sa illegal nga kalihokan o fraternity nga  nakahulga og kasamok sa katilingban.