Budyong gikan Zambo gisakmit
Duha ka ten-footer container vans nga gisudlan og kontrabandong “budyong” ug posibleng corals ang gisakmit sa mga sakop sa Customs kagahapon sa buntag diha sa Pier 2.
Ang maong ten-footer vans gikan sa
Kagahapon uban sa representante sa Philippine Coast Guard Station-Cebu nga si Petty Officer One Alfredo Ernudo ug si Customs Police Jimmy Aguilar, gibuksan ang usa sa duha ka gidudahang container vans ug diha nadiskubrehang “budyong” ang sulod niini.
Nasuta base sa gideklarar nga kargamento, “seaweeds” ang sulod niini apan nakadawat og impormasyon ang Customs nga kontrabando ang sulod niini ug dili “seaweeds” hinungdan nga ila kining gisusi.
Subay sa rekord gikan kang Ernudo sa pakighinabi sa mga tigbalita kagahapon, ang shippers sa duha ka container vans nagpailang sila si Justine Reyes ug Mukim Daud nga pulos taga Zamboanga.
Ang maong mga van gimandong di ipagawas diha sa maong pantalan sanglit gisakmit na kini sa Customs ug gibutangan na og paskin nga selyong nagdili sa si bisan kinsa sa pag-abli niini.
Matud pang Aguilar, upat gyud ka container vans ang gikatahong gikargahan sa maong mga “budyong” apan ang duha ka containers gituuhang nakuha na sa tag-iya niini nga wala nila mamatikdi.
Atol ning pagsulat sa balita, wala pa matino ang balor sa maong nasakmit nga kontrabando. Ang “budyong” gideklarar nga endangered specie ug giprotektaran na sa gobiyerno tungod kay nagkanihit na ang populasyon niini sa kadagatan..
- Latest
- Trending
