Lalaki gikulata sa wala pa tulisa sa 3 ka tawo

Gikulata daan una pa gitulis sa tulo ka tawo ang usa ka 23 anyos nga lalaki nga ilang gibabagan samtang nagsakay og biseklita sa may taytayan sa Pakigne, Minglanilla.

Nakaangkon og daghang bun-og sa kalawasan ug nawong mugna sa pagkulata ang biktimang si Henie Cabarze Alquizola ug residente sa naasoy’ng lugar.

Samtang usa ra sa tulo ka mga tulisan ang nailhan sa kapolisan nga mao si Mark Delgra ug residente sa Sitio Kalubihan, Calahuan sa maong lungsod.

Ang biktima nagsakay sa iyang biseklita paingon sa usa ka tindahan kay dunay paliton nga nahimutang sa National Highway apan pag-abot sa nahitaboan si Delgra ug laing duha ka wala mailhing kauban nibabag sa agianan sa biktima dayong kupot sa bukton niini.

Nilugnot ug niaksyon sa pagsukol ang biktima apan gitabangan siya  og kulata sa tulo dayon gikuha ang bracelet sa iyang bukton balor P24,000.

Si Delgra ug duha ka kauban daling nanagan palayo sa lugar.

Ang biktima nga si Alquizola gihatod sa tambalanan sa Minglanilla District Hospital tungod sa naangkong  grabeng bun-mga og.