Dili lang ang mga abogado maoy naalarma sa taho nga mohulip na si fiscal Mary Ann Casto, isip Regional State Prosecutor, lakip na si Mayor Tomas Osmeña.
Alang sa mayor, dili angayang mohupot si Castro sa nahisgutang katungdanan, human usab kini malambigit sa ubay-ubay nga mga kontrobersiya.
“Dubious character, it’s a very clear lack of confidence on the public, such appointment would be as if there’s no one else,” sumala pa ni Osmeña.
Apan taliwala sa pagpanaway sa mayor ngadto kang Castro, gibalik ra gihapon ni Osmeña ang gitangtang niini nga monthly allowance sa siyudad ngadto sa fiscal.
Gipasabot hinuon sa mayor nga siya napugos lang pagbalik sa nahisgutang allowance tungod usab sa pressure.
Wala hinuon moklaro si Osmeña kun kinsa ang mi-pressure kaniya, apan kini mihangad sa ibabaw nga nagpasabot nga gikan sa taas.
Apan gitataw sa mayor nga dili retroactive ang allowance nga kubrahon ni Castro gikan sa city government, sukwahi sa pamahayag sa fiscal.
Wala pa gani makobra ni Castro ang iyang allowance, nagplano na si Osmeña pagkanselar usab niini.
Kini human mipadayag ang fiscal nga iyang i-donate ngadto sa Pink Sisters ang makobra niyang allowance gikan sa siyudad.
“That’s why I’m thinking of canceling it, it’s an insult to the city government, you give them incentive allowance and she will donate it,” matud sa mayor.
Hinoon padayon karong gi-process ni Konsehal Jose Daluz ang mga dokumento alang sa pagpabalik sa allowance ni Castro.