Bauzon iniligtas ang Henkel-Sista

Mokabat sa P70 mil  ang nakuha sa tulo ka armadong tulisan gikan sa usa ka negosyanteng  gi-hold up didto sa Sitio Humayhumay, Pajo, Lapulapu sa milabay'ng gabii.

 Ang biktima mao si Christopher dela Cruz, 29, ulitawo nga nagpuyo sa maong dapit.

 Base sa pamahayag ni dela Cruz sa kapolisan nga samtang luwan siya sa iyang  multicab padung mopauli, pipila na lamang ka metros sa iyang panimalay kalit lamang kining gibabagan og usa ka motor nga luwan ang tulo ka lalaki.

 Pagkanaog sa duha ka tawo  nga armado  og armas nga mobuto,  gitionan siya sa usa ug mideklarar og tulis hinungdan nga siya napugos sa paghatag sa iyang bag ngadto sa mga tulisan nga daling  nakasibat sa maong dapit.

 Matud pa ni Cruz nga adunay sulod nga  P70 mil   ang maong bag ug lakip ang mga resibo sa iyang gipangkolektahan nga mga kliyente.

 Human midangop si  Cruz sa Theft and Robbery sa kapolisan sa Lapulapu mihimo dayon kini og hot pursuit operation apan matud pa ni SPO2 Joel Hernandez sa TRS nga pakyas sila sa pag-ila sa mga suspetsado.

 Matud pa ni SPO2 Hernandez  nga ilang ipakita ang mga hulagway sa notadong tulisan ngadto sa biktima alang sa posibleng pag-ila sa mga responsableng tulisan diin gituhoan nga kini mga "local boys" lamang.