7 Intsik absuwelto sa droga

Dunay mahitabong lahugay sa mga hepe sa kapolisan sa kalungsuran sa lalawigan sa Sugbu ning mosunod nga mga adlaw human makabalik na gikan sa ilang schooling ang onse ka mga opisyal gikan sa Regional Training School-7.

Si Sr. Supt. Carmelo Valmoria, direktor sa Cebu Provincial Police Office mitug-an nga trese ka mga police stations ang maapektahan sa maong lahugay ilabi na niadtong mga buhatan nga gidumala karon sa mga nagranggo lang og SPO4.

Ang maong mga lungsod mao ang Asturias, Pinamungajan, Oslob, Alcoy, Borbon, Ronda, Badian, Malabuyoc, Pilar, Madridejos, Poro, San Francisco ug Liloan.

Ang lahugay ipatuman karong pormal nga matapos ang election period sa Hunyo 13.

Ang pagdestino sa maong mga opisyal mag-agad sa rekomendasyon sa mga mayor sa hingtungdang lungsod ug screening nga himuon ni Supt. Herman Lungayan,Jr. ang deputy director for administration sa CPPO.

Una pa idestino sa maong mga lungsod  ang  maong mga opisyal hatagan og kopya ang mga mayor sa mga performance records lakip na ang mga derogatory records sa maong mga polis aron masuhito na silang daan kanila.

Samtang sa laing bahin, gidayeg ni Valmoria ang iyang ginsakupan sa maayong pagserbisyo atol sa pagpahigayon sa piniliay nga walay dagkong kasamok nga nahitabo.