Proklamasyon ng nanalong kandidatong senador, hulugan

Gipaluyohan  ni  Kongresista Nerissa Soon-Ruiz ang pagtuboy kang  2nd District  Rep. Pablo Garcia  nga mahimong House Speaker sa Kongreso.

Kini iyang gipadayag isip reaksiyon sa tinguha karon sa pipila ka mga kongresista kinsa nagpadayag sa ilang pagtuboy kang Garcia nga maoy mohulip kang House Speaker Jose de Venecia.

Si Kongresista Soon-Ruiz nga maoy regional chairman sa Kampi sa iyang pamahayag miingon nga garbo natong mga Sugbuanon nga gikan dinhi  sa Sugbu ang mahimong House Speaker.

Matud pa niya nga dugay na nga katuigan nga ang speakership sa Kongreso ang gihuptan sa kongresista nga naggikan sa kaulohan ug karon ang tukmang panahon nga si Garcia ang maghupot nga naggikan sa Sugbu.

Sa nasayran kang Kongresista Luis Villafuerte nga daghan karon sa mga kongresista ang nagtinguha sa pagsuporta kang Garcia nga maoy mahimong house speaker sa kongreso.

Matud pa niya nga naglakip sa nagtinguha sa pagsuporta mao ang gikan sa Nationalist Peoples Coalition, Nationalista Party, Liberal Party ug pipila ka mga partylist nga kongresista.