TEXT VIEWS: How are you dealing with the extreme summer heat?
Ang mga tinugyanan sa kagamhanan mimando sa publiko pagdaginot sa tubig gumikan sa pagnihit niini nga mugna sa kainit sa panahon.
Si Terry Andaya tigpamaba sa Metropolitan Cebu Water district nagkanayon nga ang mga apiktado kaayo karon sa kakuwang sa suplay sa tubig mao kadtong mga magpuyo sa mga bakilid ug sakaong lugar.
Giangkon ni Andaya nga hinay ug minos kaayo ang ilang ikasuplay nga tubig ning panahona gumikan sa pagkibra sa ilang produksyon matag adlaw.
Matud pa ni Andaya nga ang kaniadtong 38,000 kapin ka cubic meters matag adlaw nga produksyon gikan sa ilang mga bomba sa tubig sa Jaclupan,
Ang sa katibuk-ang produksyon sa norte ug sa habagatang mga bomba sa MCWD nga mokabat sa 166,000 kapin ka metro kubiko, sa pagkakaron mikabat nalang og 147,000 kapin ka metro kubiko.
Tungod niini si Andaya miawhag nalang sa mga tagbalay nga magdaginot sa tubig samtang gipaabot pa nga maulian na ang suplay sa tubig nunot ning nagsingabot nga panahon sa ting-uwan.
Usa sa mga paaging gisugyot ni Andaya mao nga mag-andam gyud og dagkong sudlanan sama sa baril ug uban pa aron nga kapundohan og tubig sa panahon nga moagas sa usa ka lugar.
Sa pagkakaron gibutyag ni Andaya nga ang ilang mga surface water nga gipundo sa Buhisan dam ug Mananga weir dam, nagkahilis apan malagmit mobalik kini sa pagdaghan kon moabot na ang ting-uwan.
- Latest
- Trending
