Giangkon ni Mandaue City Vice Mayor Carlo Fortuna nga dili ikalimod nga magpabilin gihapon ang impluwensya ni kanhi Mayor Thadeo Ouano sa ilang grupo apan miklaro kini nga wala kini magpasabot nga mosunod-sunod sila sa kabubut-on niini.
Sumala pa niini mga aduna gyud sila karoy nga kunsultasyon nga pagahimoon uban sa mga Ouano labot sa ilang mga programa nga mapadayon usab bisan dili nila kaalyado si Mayor Jonas Cortes.
Giklaro niini nga sila sa Konseho andam nga mohatag sa tanang suporta ngadto kang Cortes apan kining tanan mag-agad sa ilang konsultasyon sa ilang lider nga si Ouano ug desisyon ilang pundok.
Giklaro ni Fortuna nga walay maka-impluwensya kaniya gikan sa mga banay'ng Ouano o kaha sa banay nga Garcia diha sa Kapitolyo kini kay ang mauyonan ra sa partido ang ilang sundon.
Iyang gidugang nga taas taas gyud kini nga tukionon tali sa kampo ni Cortes ug sa ilang grupo tungod kay aduna silay nga programa nga gusto ni kanhi mayor Ouano nga mapadayon usa niini ang bag-ong gitukod nga merkado.
Apan nahibaluan nang daan nga dili kini ipadayon ni Cortes ug ibalik sa naandang merkado sa ilang dakbayan ang pagtukod sa maong plano ingon man ang pagbawi sa mga luna diha sa North Reclamation Area.