Cop still the suspect in lending firm heist

Usa ang namatay ug lima ang naangol sa nahitabong panagsungag sa tulo ka motorsiklo sa sitio Pangdan,  Tuminjao, Daanbantayan.

Si SPO1 Cesar Carlos Alburo miila sa namatay nga mao si Warren Montana, 18, ulitawo nga taga Tapilon sa maong lungsod.

Gidala nila ni Romulo Ancero ug Mark Gerson  dela Cruz ang gikasungag nga motorsiklo nga gidala sa namatay nga biktima kinsa pulos usab nangaangol uban sa mga backrider niini.

Ang mga nangaangol mao ang naglakip kanila ni Benjie Lapus, 15, ulitawo, Ziacon Mantos, 15, ug sa laing wala mailhing babaye kinsa naangol usab ug dali nga gidala sa tambalanan.

Matud pa ni SPO1 Alburo nga naglumba sa gidala nilang motorsiklo ang namatay nga si Montana ug si Romulo Ancero.

Sa paghidangat sa maong dapit kalit nga mipabulhot sa gidala niyang motorsiklo ug mi-overtake sa nag-una nga si Romulo Ancero hangtod nga nasungag sa gikasugat nga laing motorsiklo nga gidala usab ni dela Cruz.

Gumikan sa kusog nga impact  ang tulo ka motorsiklo   kalit nga nangalamba sa aspaltadong karsada nga maoy nakaingon sa pagkapantok sa ulo ni Montana,

Ang mga biktima dali nga gidala sa Vicente Sotto Memorial Medical Center sa dakbayan sa Sugbu ug padayon kining giatiman sa mga doktor sa maong tambalanan.