Padayon sa pag-una sa gidaghanon sa nakuhang boto si Acting Vice Mayor Jonas Cortes batok sa kaatbang niining kandidato sa pagka mayor sa dakbayan sa Mandaue nga si Thadeo Jovito Jonkie Ouano.
Sa mokabat 420 ka presinto nga naiskutinyo sa gidaghanon nga 755 ka presinto maoy nakuha ni Cortes ang boto nga mokabat sa 34, 571 batok kang Ouano nga nakabaton og 24,557 boto nga gidaghanon sa nakuha niini.
Samtang ang tandem ni Ouano nga si Konsehal Pontico Carlo Fortuna mao usab ang nag-una sa nakuha nga boto sa gidaghanon nga 32,284 batok sa tandem nga bise mayor ni Cortes nga si Konsehal Glenn Bercede nga nakabaton lamang og 26,972 botos.
Sa pagka konsehal si Diosdado Suico pa gihapon ang padayon nga nag-una sa mokabat 27,956 botos nga nakuha nga gisundan ni Vethoven Andaya sa 26,149 botos, Alfonso Albaño Jr sa 26,116 nga gisundan ni Noeleen Borbajo sa 25,252 botos nga nakuha ug gisundan ni Jefferson Ceniza sa 24,630 botos nga nakuha niini.
Nagsunod usab kang Ceniza si Procopio Villanueva sa 24,468 botos, Emiliano Rosal sa 24045 , Jimmy Lumapas sa 23, 454, Atty Victor Biaño sa 23,254, Editha Cabahug sa 22,664, Elmer Cabahug sa 21,264 ug Elstone Dabon sa 21,116 nga nakuha niini.