Ang tulo ka senatorial candidates mipakita sa ilang suporta sa maong grupo ug mipadayag nga suportahan niini ang plataporma nga alang gyud sa mga trabahante.
Ang Trade Union Congress Party (TUCP) nasagmuyo sa nadangatan sa ilang grupo sa miaging piniliay diin wala sila makadaug apan gihimo kini nila nga leksyon ug dako ang ilang paglaom nga karong umaabot piniliay makasulod kini sila sa Kongreso tungod kay ang tumong sa maong grupo mao man ang katungod sa mga trabahante.
Matud pa ni Democrito Mendoza nga panahon na nga makasulod ang TUCP-partylist sa Kongreso aron aduna kini mapasa nga balaud alang sa tanang trabahante.
"It’s not whether we can add to the abundance of those who have so much, it is wether we can provide for those who have so little," matud pa ni Mendoza
Si Alex Aguilar, usa sa mi- presenta sa TUCP-partylist dako ang kasagmuyo ngadto sa Kongreso tungod kay daghan na niini ang milingkod apan ni usa niini walay napasa nga balaod alang sa mga trabahante.
Matud pa nga dako ang kalainan niini sa ubang partylist tungod kay sila mismo ang mo deliver diin taga-tuig moapilar kini sila og minimum wage increase.
Matud pa nga usa sa programa nga gihingusgan karon sa maong grupo mao ang Trabaho, Sweldo ug Pabahay (TSP) tungod kay ubay-ubay sa mga Pilipino ang walay trabaho nga mikabat ra og 4 ka milyon.
Gawas niini ang ALU-TUCP miapilar og petisyon ngadto sa National Capital Region wage board nga patas-an og P75 across-the-board nga suholan tungod sa nagkataas usab nga palaliton dinhi sa nasud.
Ang TUCP partylist miawhag ngadto sa mga miyembro sa ALU nga suportahan ang grupo aron maprotektahan ang katungod sa mga empleyado sa mga pribado nga kompanya.