Bantayan tutokan gyud sa Comelec

Ipaubos gyud sa Comelec areas of concern ang Bantayan island karong eleksyon sa Mayo 14 ning tuiga bisan pa man kun nagmalampuson ang pagpahigayon og peace covenant tali sa mga kandidato sa nahisgutang isla.

Si Cebu provincial election supervisor Lionel Marco Castillano miingon nga ang maong lakang ilang ipagawas unya sunod semana pinaagi sa usa ka joint resolution nga ilang lagdaan tali sa Philippine National Police (PNP).

Matud pa ni Castillano nga siya mismo nakabatyag sa kainit sa dagan sa politika sa maong isla hinungdan nga bisan tuod kun misalig siya sa mga kandidato sa maong lugar human kini milagda og kasabotan uban sa kadagkoan sa PRO-7 gikinahanglang mapaubos sa Comelec control kini.