Hugot nga seguridad ipatuman sa kapolisan sa semana santa

Apil sa gipatambung sa maong tigum mao ang mga sakop sa Parish Security Group (PSG) diin gituki niini ang paghatag og seguridad sa mga manibahay ilabi na atol unya sa Huwebes ug Biyernes Santo ug sa pagka adlaw'ng Sabado hangtud na sa sugat sa Domingo sa kaadlawon.

Gibutyag ni Philip Zapra, executive staff ni Fernandez nga karong Marso 26 sunod semana subling magtagbo ang hepe sa kapolisan ug ang mga sakop sa PSG aron maduso na kini sa ilang implementing plan nga sagupon atol sa maong okasyon.

Matud ni Zapra naandan na kining maong gimbuhaton sukad pa niadtong tuig 2002 aron paghatag og hingpit nga seguridad sa mga manimbahay.

Ang sentro sa gikasabutan mao ang pagbutang og police assistance center sa matag simbahan ug dunay polis ug mga sakop sa PSG ang madestino aron maoy moatiman sa mga reklamo.

Ang mga hepe sa kapulisan nga mitambong sa maong tigum mao ang hepe sa Pari-an Police Station-1, Waterfront Police Station-3, Mabolo Police-4 Station-4, Carbon Police Station-5, San Nicolas Police Station-6, Pardo Police Station-7, Mambaling Police Station-8, Guadalupe Police Station-9, Punta Princesa Police Station-10 ug Talamban Police Station-11. Gringo sakay sa survey sa mga senatoriables bisan sa kaso

Gikalipay sa mga kahugpongan sa mga kabus ang padayong pagsaka sa rating ni kanhi Senador Gregorio "Gringo" Honasan sa sunodsunod nga survey bisan paman sa kasong rebelyon nga iyang giatubang tungod sa pagkalambigit niini sa napakyas nga kudeta sa miaging Hulyo 27 sa miaging tuig.

Si Crispin Sapanza, lider sa Asosasyon ng nga Maralitang Taga-lungsod nga si Honasan ilang gipaninguha nga ma-uban sa 12 ka kandidato nga mabutang ngadto sa Senado tungod sa dakong tabang nga nahimo niini sa mga kabus.

Matud pa niini nga si Honasan nahimong author sa mga balaod nga pabor sa mga kabus, sama sa Akta Republika 8368 (An Act Decriminalizing Squatting), R.A. 8437 nga mipataas sa period sa effectivity sa Rent Control Law, ug ang R.A. 8501 nga nagtangtang sa penalties nga ipahamtang sa kalapasan sa National Housing Programs.

"Hindi maliit na bagay ang nagawa ni Senador Honasan sa aming mga maliliit na mamamayan kaya naman patuloy namin siyang susuportahan sa kabila ng mga kinakaharap niyang pagsubok sa buhay ngayon," sumala pa ni Sapanza.

Gitataw ni Sapanza nga si Honasan gyud ang maisip nga "Ama ng Clean Air Act" tungod sa iyang pagpaninguha sa R.A. 8749 nga naila karong "Clean Air Act."

Ang maong balaod ang naghatag og katungod sa katawhan nga makahanggab og preskong hangin pinaagi sa paggamit sa mga sakyanan og klase sa gasolina ug pagdili sa incinerators.

Mi-uban si Sapanza sa panawagan sa nagkalainlaing sektor nga tugotang makapangampanya si Honasan.

"Dapat makita ng pamahalaan na si Senador Honasan ay isang naging mabuting mambabatas, naglingkod ng tapat sa bayan at higit sa lahat ay di nabahiran man lang ng kahit anong isyu ng graft and corruption na siyang pangunahing problema ng bansa ngayon," si Sapanza nagkanayon.