6 anyos nalumos sa Asturias atol sa kalihukan sa Couple's for C.

Usa ka unom ka tuig nga batang lalaki ang namatay human malumos samtang naligo sa /dagat niadtong Lunes sa hapon pasado alas 2 sa hapon sa Owakiki Beach Resort, Owak Asturias.

Ang biktima giila sa kapolisan nga si Robert Dumond Abella ug residente sa Luym, Poblacion Asturias.

Sa imbestigasyon sa kapolisan ang biktima nikuyog sa iyang amahan nga si Christopher Abella Sr. sa usa ka tigum sa Couples For Christ Fellowship nga gipahigayon sa maong dapit.

Niadtong tungora dunay kalihukan nga gihimo ang Couples for Christ ug wala makabantay ang amahan nga naligo sa dagat ang biktima, pipila ka gutlo ang nilabay nakit-an ang biktima nga naglutaw-lutaw na sa dagat.

Daling gidala ang biktima sa Balamban District Hospital apan gideklarar ni Dr. Ivar Arellano nga patay na kini.