Si Karen Lei Tabelin, 33-anyos, usa ka negosyante ug residente diha sa Barangay Daanglungsod sa maong siyudad ang miduso sa iyang certification of candidacy sa Comelec.
Si Tabelin kinsa nailhan sa tawag nga "kartabz" sa iyang mga higala miduso sa iyang COC pagka-mayor kagahapon pasado alas 11:00 sa buntag diha sa buhatan sa election officer sa Toledo.
Niadtong Enero 16, 1974 ang adlaw'ng natawhan ni Tabelin diin dinhi sa dakbayan sa Sugbu siya nahimugso apan naa na kini nagpuyo sa dakbayan sa Toledo ug nakarehistro sa presinto 104B sa Barangay Daanglungsod.
Si Tabelin kinsa misaad nga mang-aghat og dugang investors diha sa ilang lugar para masulbad ang giatubang nilang problema sa walay mga trabaho modagan isip independente nga kandidato karong umaabot nga piniliay.
Uban ni Tabelin kagahapon ang iyang maguwang nga si Warren Lorenzo kinsa miduso usab sa iyang COC isip pagkakonsehal sa siyudad.
Gikataho nga gawas sa patigayon ni Tabelin naglaom usab kini sa ayudang pinansiyal gikan sa iyang pamanhunong Hapon para gamiton niya sa kampaniya.