Curfew sa Talisay naapektahan sa bag-ong Juvenile Law-ABC

Kagamhanan lokal sa Talisay nabalda sa pagpatuman sa ordinansa sa siyudad kabahin sa curfew sa mga batan-on tungod sa bag-ong Juvenile law.

Si Osmundo Manreal Jr., presidente sa Association of Barangay Captain (ABC) sa pakighinabi sa Banat News kagahapon sa buntag mibutyag nga maglisod sila og patuman sa ordinansa sa dakbayan tungod sa balaod kalaot sa children in conflict with nga nagdili sa sa mga batan-on.

Matud ni Manreal nga aduna na silay gidusong sugyot ngadto ni Mayor Socrates Fernandez nga magtukod og usa ka edipisyo nga maoy kabutangan sa mga batan-on nga makalapas sa balaod nga ilang masikop apan ang maong sugyot wala pa mahatagi og pagtagad sa mayor.

Usa sa mga problema sa siyudad mao ang mga rugby boys nga nalambigit na usab sa pagpangawat ug ang fraternity war.

Gibutyag usab ni Manreal nga nagpahigayon na sila og tigum tali sa mga kapitan sa mga barangay sa siyudad ug gisentro sa maong tigum ang pagpatawag sa mga batan-on nga sakop sa mga fraternity aron dili na kini magtapok-tapok nga maoy hinungdan sa kasamok tungod sa suya-suya sa isigka grupo kun ang kaatbang nilang grupo makita nilang magtapok.

Si Manreal nagkanayon nga iyang gimanduan usab ang mga kapitan nga ipatawag ang mga ginikanan sa mga batan-on nga napamatud-an nga mga sakop sa fraternity o nakabuhat og kalapasan sa balaod aron ang maong mga ginikanan makahibalo sa kalihukan sa ilang mga anak og mao na mismo ang mobadlong sa ilang mga anak.

Matag tungang gabii makita diha sa kadalanan sa Talisay ilabi na diha sa Tabunok nga dunay daghang nga batan-on ang magtapok imbes nga atua na unta kini sulod sa ilang panimalay ug namahuway.