Matud pa ni Comelec-7 regional director Atty. Rene Buac nga sa pagkakaron, 95 porsyento na sa listahan sa mga botante ang ilang nalimpyohan.
Sunod semana, gikatakda na nga iduso sa ila uluhang buhatan ang maong listahan.
Matud pa ni Comelec-7 assistant regional director Atty. Veronico Petalcorin nga wala pa mahingpit ang listahan sa mga botante gumikan sa gihimong pagsusi sa mga nibalhin sa pagparehistro ngadto sa laing lugar.
Ang mga multiple registrants makit-an na sa computer pinaagi sa voters search program isip kabahin sa paglimpyo sa listahan.
Samtang magtagbo sunod semana ang Comelec ug kapolisan alang sa pag-ila sa areas of concern sa rehiyon.
Ang Comelec ug kapolisan sa rehiyon ang morekomendar ngadto sa ilang uluhang buhatan sa mga dapit nga posibling ideklarar nga areas of concern ug ang Comelec-Manila ang moluwat sa opisyal nga deklarasyon.
Ipakatap ang kapolisan ug armadong kusog sa nasud sa mga dapit nga madeklarar nga areas of concern aron malikayan ang pag-ulbo sa kagubot atol sa eleksiyon.