Teban mouban sa partido sa mga Gullas

Gikompirma kagahapon ni Julian Daan alyas "Teban" nga siya magpapili gayod sa pagka bokal sa unang distrito ubos sa habig sa mga Gullas.

Kini maoy iyang gitug-an kagahapon sa Banat News sa dihang nahinabi sa iyang buhatan sa kapitolyo.

Matod pa ni Teban nga dili tinuod ang gitaho sa laing pamantalaan kagahapon nga siya magpapili isip usa lamang ka independente ug dili mosuporta sa mga Gullas.

"I want to correct the write ups of one of the newspaper reporter .... that I'm running as an independent" matud pa ni Teban.

Gidugang pa niya nga di mahimo nga iyang talikdan si Gullas kay sila nagkasinabot naman nga siya ang opisyal nga kandidato sa pagka bokal sa unang distrito kuyog ni bokal Juan Bolo.

Tungod niini siya nag-ingon nga unta niining piniliay siya paga suportaan sa mga katawhan sa unang distrito aron nga mapadayon niya ang iyang nabiyaan nga proyekto kaniadto.