Nahitabo kini pasado alas 11 sa miaging gabii didto sa Cabatbatan Dumanjug.
Ang gipusil ug namatay human naigo sa bala sa wala matinong kalibre sa armas diha sa walang liog ug tuong bahin sa lawas giila sa kapolisan mao si Dionisio Piga Jr. 35 ulitawo, samtang ang naigo sa saag nga bala naila nga si Jesica Ortisano 14 anyos ug nagpuyo sa maong dapit.
Ang namusil mao si Lope Antiga ulitawo nga taga Cantularoy Sibonga.
Si SPO1 Raymundo Sala miingon ang biktima uban sa menor de edad nagsayaw-sayaw sa tunga sa diskohan apan kalit lang miduol ang gikatahapan ug gipusil sa katulo ka higayon.
Daling nakasibat ang suspek ug hangtod karun wala pa madakpi sa kapolisan.
Base sa pakisusi sa kapolisan nasuta nga dugay nang nagkabangi ang biktima ug suspek ug niadtong higayona nagkaabot nga miresulta sa pagpamusil sa suspek ngadto sa biktima.