Mikabat og P500,000 ang kinatibuk-ang danyos nga miugdaw sa panimalay nga gipanag-iya ni Pacifico Benetiz.
Matud sa kapolisan nadawat nila ang alarma sa maong sunog alas 5:15 ug daling miresponde ang bombero sa Santander, Ginatilan ug Malabuyoc apan wala na makapasirit ug tubig kay hingpit na kining naugdaw.
Sa pasiunang imbestigasyon sa kapolisan nasuta nga nagsugod ang kayo sa may sala sa maong panimalay ni Benetiz ug daling mikatap ang kayo hangtod nga miugdaw.
Naglakip sa naapil ug kaugdaw mao ang mga appliances ug usa ka Honda motorsiklo.
Si PO1 Arnel Perono nga nahinabi sa Banat News miingon nga faulty electrical wiring ang hinungdan sa pag-ulbo sa kayo.