Ang 37 anyos nga asawa mireklamo ngadto sa kapolisan kabahin sa pagpunay og panakit kaniya sa 47 anyos nga suspek, ilabi kun makainom kini.
Ang duha dugay nga minyo kapin na sa napulo ka tuig ug didto sa nasud sa Japan silang duha nagkita ug nagpakasal, hangtud nga sila namauli diri ug namuyo sa Sambag Uno ning dakbayan.
Matud pang SPO1 Vicente Espenido ang desk officer sa Fuente Police Station sa pakighinabi sa Banat News nga nangabubho pag-ayo ang suspek sa asawa niini dihang wala kini mosugot sa hangyong makighilawas ngadto kaniya.
Gikatahong di na makigdulog ang asawa kaniya tungod kay dili na mag-intrigahan sa iyang sweldo ang lalaki ug kung mahubog kanunay kining mopakauwaw ug manakit kaniya diha atubangan sa publiko.
Sumala pa sa report nga tulo na ka adlaw nga wala magpahibalot ang asawa sa lalaki maong nasuko kini ug naghubog hangtud nga niadtong gabhiuna subling mihangyo sa asawa apan gibalibaran gihapon siya hinungdan sa ilang kagubot.
Gumikan niini mireklamo na sa ilang buhatan ang biktima. Ang suspek gidakop sa kapolisan ug gipasakaan og kasong paglapas sa Akta Republika 8262 kunViolation Against Women and Children niadtong milabay'ng adlaw.
Apan nakagawas ra gihapon ang suspek human kini makapiyansa ngadto sa korte.