Matud ni besi mayor Micheal Rama, paningkamotan nila nga makakita og mga alternative routes nga maoy agi-an sa mga PUJ ug pribadong sakyanan padulong sa ilang destinasyon atol unya sa maong summit.
Kini human makasinati og suliran sa kahuot sa trapiko ang pipila ka mga kadalanan dinhi sa dakbayan og siyudad sa Mandaue ug Lapu-Lapu dihang gipahigayon ang dry run sa maong summit.
Nabalaka ang bise mayor nga mosamot pa ka grabe ang trapiko atol na gyud sa pormal nga pagbukas sa summit gumikan sa paglibkas sa Malakanyang sa Holiday.
Gusto ni Rama nga karon palang mapangandaman na ang tanang mga posibling problema ug kini mao unya ang pagbutang og mga pahimangno niadtong mga kadalanan nga sirad-an aron kagiyahan sa lugar nga maoy ilang agian.
Usa sa gitumbok sa besi mayor ang mga molopyo sa bukirang barangay sa Busay nga masirad-an ang agianan gikan sa Marco Polo Hotel hangtud na sa Salinas Drive sa Lahug tungod kay apil man kini sa gikonsiderar nga ceremonial routes lahos na sa Juan Luna ngadto na sa Cebu International Convention Center (CICC) lahos sa Shangrila Mactan.