Si Bagong Buhay Rehabilitation Center (BBRC) jailwarden Supt. Efren Nemenio nagkanayon nga nalakip sa 17 ka mga insular prisoners nga gidala sa NBP mao sila si Estanislao Bismanos Jr, 43, lumad sa Panabo City, Davao del Norte, Gerry Cabayag, 25, lumad sa Asuncion, Tagum, Davao del Norte, ug Randy Grecia, 39, lumad sa Conception, Asuncion, Davao del Norte, pulos mga akusado sa pagpusil patay sa peryodistang si Esperat.
Sila usab si Bismanos, Cabayag ug Grecia sa sala ni Regional Trial Court Branch 21 Judge Eric Menchaves sa kasong murder.
Ang tulo gisilotan sa korte og reclusion perpetua niadtong Sityembre 28 ning tuiga.
Gihulagway ni Nemenio nga delekadong makahimo og kasamok sa BBRC ug delikadong madisgrasya ang tulo, hinungdan nga nahukman nga ila kining ipadala ngadto sa NBP uban sa 14 ka mga binilanggo nga alang usab ngadto sa Muntinlupa.
Kahinumduman nga si Esperat gipusil patay didto sa Tacurong, Sultan Kudarat ug ang pagpaminaw sa kasong murder dinhi sa Sugbo gihimo tungod sa mando sa Korte Suprema aron paglikay sa impluwensiya sa korte sa lugar diin nahitabo ang krimen.