Ang biktima giilang si Johnrey Predog,19, residente sa Back Japer, Quiot ning dakbayan samtang usa ka grupo sa mga batan-on nga usa kanila nagdala og armas ang gitumbok nga mikulata sa biktima.
Matud pa sa biktima ngadto sa Homicide Section, kasamtangan silang naglakaw sa iyang mga higalang sila si Juno Baguio ug Herbert Pigao sa maong dapit dihang gibabagan sa mga suspek.
Usa kanila ang miingon kanila og "kamo man gyud to bay" dayong bunot og armas ug gition kang Predog. Si Predog pagkakakita sa armas daling milayog sa nanion kaniya apan usa sa mga suspek ang mibukbok sa ulo sa biktima gamit ang usa ka gahi nga butang.
Dunay mga residente sa dapit nga nakamatikod sa kagubot ang daling mipakgang sa mga suspek kinsa dali usab nga nanagan palayo.
Ang mga traffic enforcers nga sila si Manol Tagaan, Eugene Navarro, Albert Briones ug Jeffrey Cartalla nga naatol nga nangagi sa dapit maoy midala sa biktima ngadto sa Cebu City Medical Center.
Apan ang kauban ni Predog nga si Pigao giimbitar sa CITOM ngadto sa ilang buhatan sanglit giingong naabtan siyang naghupot og usa ka armas de fuego ug kasamtangang giimbestigahan kabahin niini.