Matud ni Konsehal Arsenio Pacaña niadto pa untang petsa 1 sa Hulyo ning tuiga gikinahanglang mapatuman ang Akta Republika 9211 otherwise known as the Tobacco Regulation Law nga gi-aprobahan niadto pang tuig 2003.
Ubos sa maong balaod gi-obligar ang tanang mga tobacco companies nga mogahin og portion sa gipamaligya niining produkto nga kabutangan og label alang sa health warnings.
Apan nasagmuyo ang konsehal tungod sa kapakyas sa DTI ingon man sa Department of Health (DOH) pagpatuman ning maong balaod nga maoy hingtungdang ahensya sa gobyerno nga mopatuman ning maong balaod.
Base sa gipahigayong survey dili muminos 20 mil ka mga tawo ang namatay sa sakit tungod sa pagpanigarilyo matag tuig.
Tungod niini mopasar og resolusyon si Konsehal Pacaña alang ning maong katuyo-an nga gitakdang diskuti-on sa sesyon sa konseho karung hapon.